Време е да престанете да ги обвинувате годините за зголемената тежина. Секако, возраста и генетиката играат улога во тоа колку брзо (или бавно) вашето тело ја користи енергија, но поефикасен метаболизам е главната работа на која треба да поработите. Неколку промени во начинот на живеење ќе ви помогне во подобрување на метаболизмот, бидејќи поефикасно согорување на калории не е толку тешко за постигнување, а не ви се потребно апчиња за слабеење, ниту џогирање со часови.

– Повеќе HIIT: придобивките од вежби со висок интензитет се навистина големи. Познато е дека вежбањата HIIT го забрзуваат метаболизмот поефикасно од џогирањето, додека телото ги користи маснотиите за енергија, дури и додека одмарате. Тренингот е познато дека е тригер фактор на Excess Post Exercise Oxygen Consumption (EPOC), што претставува зголемено внесување на кислород по напорна физичка активност, и е процес кој помага да се врати телото во состојба на мирување. Ефектите траат до 36 часа по тренингот, за кое време се забрзува метаболизмот и се согоруваат повеќе калории.

метаболизам

– Изградете мускулна маса: Проценките на експертите сугерираат дека секој половина килограм на мускули гори шест калории на ден додека се во фаза на мирување. Било кој вид на вежба на сила или со тежина ќе ја зголеми мускулната маса. Ако немате пристап до тегови, вклучувањето на телесната тежина или калистеника во вашата рутина најмалку двапати неделно може да направи разлика при согорување на маснотиите.

– Ладно: Студиите покажуваат дека изложеноста на пониски температури ја зголемува потрошувачката на енергија во организмот. Кога ни е ладно нашиот организам троши енергија/ калории за да не загрее. Но ова нема да функционира ако претерувате со јадење, бидејќи во тој случај телото ќе ја согорува храната која сте ја внеле, а не складираните маснотии. Битно е да го користите ладното секогаш кога можете, на пример туширање со ладна вода (една минута). Докажано е дека треперењето од студ го зголемува метаболизмот за пет пати, но исто така поголема изложеност на ладно е неиздржливо и непријатно, па поради тоа фокусирајте се на не многу ниски температурни разлики, нека бидат неколку степени пониски отколку што сте навикнати.

– Наполнете се со протеини и растителни влакна: Протеините и растителните влакна исто така можат да го забрзаат вашиот метаболизам преку процес наречен термогенеза. Бидејќи двете групи на храна бараат подолго време и повеќе напор за варење отколку јаглехидратите или мастите. Исхраната со протеини, исто така, помага во градењето и зачувувањето на мускулите по тренингот, што за возврат согорува повеќе калории како што споменавме погоре.

– Go green: Зелениот чај го забрзува вашиот метаболизам за околу четири проценти во текот на 24 часа, што би претставувало 70-100 согорени калории дневно без многу напор. Антиоксидантите наречени катехини (ECGC и полифеноли) во зелениот чај можат да помогнат во зголемувањето на нивото на хормоните што ги сигнализираат масните клетки да разградуваат повеќе масти, правејќи ги достапни како енергија.

– Јадете луто: Капсаицинот од лутите пиперки го активира метаболизмот. Исто така да не заборавиме дека тој е добар и за дигестивниот систем и циркулацијата.

– Спиењето: Студентите од медицинскиот факултет при Харвард откриле дека луѓето имаат три пати поголема веројатност да качат на тежина ако спијат помалку од седум часа. Врската помеѓу хормонот за спиење мелатонин и зголемувањето на лептинот – хормон што сигнализира ситост – е широко истражувана и докажано е дека ноќното спиење може да ви помогне да одолеете на шеќерните и нездравите закуски со поголема леснотија. Лишувањето од сон исто така го зголемува нивото на кортизол, стрес хормон кој го контролира нивото на шеќер во крвта и предизвикува складирање на маснотии, така што постојаното исцрпување може всушност да го загрози метаболизмот.