Virgin Galactic вчера успешно го заврши својот прв лет во вселената со леталото Unity 22, на чело со Ричард Бренсон и неговиот екипаж. Целиот настан, заедно со враќањето на леталото, беше пренесуван во живо за публиката ширум светот, додека публиката беше забавувана од страна на Khalid кој ја изведе песната „New Normal“.
Во леталото покрај милијардерот беа и двајцата пилоти Дејв Мекеј и Мајкл Масучи како и тројцата специјалисти Бет Мозес, Колин Бенет и Сириша Бандла. Екипажот истовремено го оценуваше и искуството во кабината, погледот кон Земјата, условите за спроведување на истражувањето и ефективноста на петдневната подготвителна програма. Откако беше ослободен од бродот мајка, VSS Unity постигна брзина од 3 Mach (што е околу 3704.4 километри на час), пред да ја достигне потребната надморска висина и безбедно да се врати на Spaceport America.
„Сонував за овој момент уште како дете, но ништо не можеше да ме подготви за погледот на Земјата од вселената. Ние сме во авангарда на едно ново вселенско време.“, рече Брансон.
Бидејќи целта на милијардерот е да го направи летот до вселената подостапен за сите, тој најави партнерство со страницата за собирање средства Omaze и Space for Humanity „ за да ја инспирира следната генерација на сонувачи “.
I was once a child with a dream looking up to the stars. Now I'm an adult in a spaceship looking down to our beautiful Earth. To the next generation of dreamers: if we can do this, just imagine what you can do https://t.co/Wyzj0nOBgX #Unity22 @virgingalactic pic.twitter.com/03EJmKiH8V
— Richard Branson (@richardbranson) July 11, 2021
