Брендот кој е синоним на „Ангелите“, прекрасните супермодели и убавото шоу, ја менува играта. Целата приказна за Victoria’s Secret започнала во 1977 година како американски бренд за долна облека, убавина и облека, за да прерасне во „Ангели“ чии крилја воведоо пресвртница во кариерата на моделите. Сепак оваа ера за овој гигант заврши, со ребрендирање со подраматична и модерна кампања со замена на „Ангелите“ со истакнати активистки, спортисти и актери како нови претставници на брендот.

Како дел од новата кампања на брендот, нејзините модели на Ангели ќе бидат заменети со нови членови за да инспирираат разновидност и промени, кои не се избрани само за изгледот. Меѓу седумте основни членови кои ќе се приклучат на „VS Collective“ се актерката Пријанка Чопра Џонас, американската фудбалска ѕвезда Меган Рапино, LGBTQ моделот и активист Валентино Сампајо, Адут Акеч, британски новинар, фотограф и застапник за еднаквост Аманда де Каденет, Палома Елсесер и светскиот првак во скијање Аилинг Гу.

Целата оваа промена е поради тоа што брендот во минатото се соочуваше со критики за недостаток на разновидност и ширење на специфични слики за жени и нивните тела. Критиките станаа вирални во 2018 година за недостаток на инклузивност на плус сајз моделите и одржувањето на сексистички стереотипи, што дури доведе до откажување на нивното годишно шоу во 2019 година.

Со сегашната политика и ребрендирање Victoria’s Secret се осврнува кон создавање нови партнерства за охрабрување на жените и поддршка на нивните каузи. Тие најавија лансирање на нов подкаст и добротворна иницијатива VS Global Fund for Women’s Cancers преку кој ќе се зајакне истражувањето и развојот на нови методи во борба со ракот со инвестирање на 5 милиони американски долари годишно. Новите производни линии на VS Collective се планирани за следната пролет. Исто така се предвидува дека модната ревија на Victoria’s Secret ќе се врати во 2022 година со сосема нов изглед.

ПОВРЗАНИ ВЕСТИПОВЕЌЕ ОД АВТОРОТ