Без оглед на вашата ситуација во животот, возраста и индивидуалните цели, една од најважните алатки за успех е личната харизма. Харизма е она што ви овозможува да го привлечете вниманието на соба полна луѓе, да привлечете други кон вас и да ги убедите луѓето во вашите погледи и идеи.
Тоа е суштински аспект на еден лидер кој освојува следбеници кои верно ќе го следат. Харизматичните мажи се перцепираат како допадливи и моќни, што е динамична и неодолива комбинација која отвора многу врати.
Иако харизмата можеби изгледа како мистериозен квалитет, нешто со кое човек се раѓа или не, не е баш така. Харизмата може да се разложи на множество конкретни, во голема мера невербални однесувања кои може да се научат, практикуваат и да се направат природни.
Авторката на „Митот на Харизмата”, Оливија Фокс Кабане ги подредува овие однесувања во три категории: присуство, моќ и топлина.
1. Присуство
Кога мислите на харизма, можеби мислите дека треба да се обидете да изгледате супер пред другите. Но, тајната е дека не се работи за трубење на вашите добри квалитети, туку да се направи другата личност да се чувствува добро за себе.
Вистинската харизма прави другата личност да се чувствува важна кога ќе ја заврши интеракцијата со вас, да се чувствува подобро за себе отколку што претходно. Фокусирање на сопствената ментална и емоционална енергија кон некој при комуникацијата е начин на кој го создавате тоа чувство на важност.
Луѓето во основа сакаат внимание, односно сакаат да бидат препознаени и признати. Присуството е едноставен концепт, но често е тешко да се оствари. Може да се лажира, но луѓето се изненадувачки вешти во дешифрирањето на вашиот лажен интерес. За вистински да се пренесе присуство, мора да бидете вистински присутни.
Потребна е голема волја за да се фокусира целото внимание на личноста со која сте во моментот. Но, како и сите други работи, со практиката станува значително полесно.
2. Моќ
Според Кабане, моќта значи да бидеме перцепирани како способни да влијаеме на светот околу нас, без разлика дали преку влијание врз власта или над другите, големи суми пари, стручност, интелигенција, чиста физичка сила или висок општествен статус.
Оставањето впечаток на моќ главно се сведува на подобрување на работите за кои луѓето се врзани или кога се обидуваат да одредат нечие ниво: јазикот на телото и изгледот. Еве како да се направи тоа, преку неколку други докажани засилувачи на моќта:
– зголемување на самодовербата,
– знаење од секоја област по малку,
– доведување во добра физичка форма,
– моќен дрес-код.
3. Топлина
Постојат два главни начини за развивање на внатрешната топлина:
Практикувајте благодарност. Благодарното срце е среќно срце. Истражувањата покажуваат дека луѓето кои практикуваат благодарност на дневна основа се посреќни и пооптимистички од останатите.
За негување на благодарноста, практикувајте да запишете за што сте благодарни секој ден. Како што станувате поблагодарен човек, вашата способност да ги ставите проблемите во перспектива ќе се подобри, што доведува до чувство на релаксирано задоволство кое другите луѓе ги опушта.
Развијте ја својата емпатија. Може да се нарече и сочуство и тоа е најважниот фактор за здрав политички и општествен живот. Луѓето сакаат да се чувствуваат разбрани и емпатијата е она што ни овозможува да се ставиме во нивната кожа и да дознаеме како се чувствуваат. Развојот на емпатијата не е лесен.
Затоа пробајте да размислувате за другите луѓе како за браќа и сестри, зборувајте лице в лице, бидете љубопитни за луѓето. Дури и луѓето кои не ви се допаѓаат пробајте да ги погледнете на поинаков начин.
