The Distinguished Gentleman’s Ride или скратено DGR, од 2012 па до денес ги обединува возачите, ентизијастите и љубителите на уникатни, класични и винтиџ моторцикли ширум светот. Нивното возење е посветено на поттикнување на свесноста за машкото здравје и собирање донации за истражувања поврзани со ракот на простата и менталното здравје кај мажите.
DGR е одличен начин мажите да придонесат за поттинување на свеста кај припадниците на својот пол, а при тоа на елегантен и класичен начин, уживајќи во она што го прават, и да се забавуваат. Оваа година, учествуваа повеќе од 116 илјади возачи, меѓу кои 154 од државава. За целите на истражувања поврзани со машкото здравје, собрани се 5.874.072 долари, а дотераните мажи (и жени) возеа низ улиците на 678 градови.
Веќе е најавено и The Distinguished Gentleman’s Ride 2020 кое треба да се одржи на 27 септември наредната година.
