По долго исчекување и голема неизвесност, Олимписките игри во Токио се конечно и официјално отворени. Откако беа одложени повеќе од 12 месеци поради Ковид-19 пандемијата, церемонијалниот почеток на ЛОИ се одржа на Олимпискиот стадион во градот домаќин.
Naomi Osaka lights the Olympic cauldron 👏 #Tokyo2020
— Complex Sports (@ComplexSports) July 23, 2021
Церемонијата го одбележа формалниот почеток на Игрите, кои ќе траат од 23 јули до 8 август, но најголемата промена во однос на претходните Олимпијади секако беа празните трибини. Но, поради тоа е посебна оваа Олимпијада и истата ќе се памети во историјата. Короната притискаше од сите страни, ја оневозможи публиката да присуствува на трибините, но душата на Игрите остана жива. Иако во непарна година, што е за првпат во историјата на модерните ОИ, проследена со „милијарда“ протоколи на педнатните Јапонци, заштитни маски, дистанца… Сето ова ги прави овие Игри посебни, а Јапонија и Токио не се предадоа и останаа одлучни во намерата да го одржат најголемиот спортски самит на Планетата.
Новоизградениот Олимписки стадион ги пречека најдобрите спортисти на светот, а само аплаузот од трибините недостасуваше за чувството да биде комплетно. Неизбежен беше и спектакуларниот огномет и шоуто со дронови. Олимписките кругови повторно блеснаа, а овие во Токио беа направени од дрво кое израсна од семето кое меѓународните спортисти го донесоа и го засадија кога овој град претходниот пат беше домаќин на Игрите, во далечната 1964 година.
LOOK: A drone display the shape of Earth flies above the #Tokyo2020 #Olympics stadium pic.twitter.com/JRYo05ffM5
— Bloomberg Quicktake (@Quicktake) July 23, 2021
whatever your opinion on the #Olympics and #Tokyo2020 going ahead, this 1800 drone display is cool as f…. pic.twitter.com/0xqkFue86X
— Aurora Intel (@AuroraIntel) July 23, 2021
Македонија со осуммина претставници
На отворањето на Олимписките игри, секако, продефилираа и македонските олимпијци предводени од таеквондистот Даниел Георгиевски и џудистката Арбреша Реџепи (24 часа беше во изолација поради директен контакт со заразено лице но сепак доби дозвола да биде еден од двајцата знаменосци), кои ја добија честа да го развиорат нашето национално знаме на Олимпискиот стадион во Токио и пред стотиците милиони гледачи крај малите екрани.
Нашата делегација во Токио ќе ја претставуваат осуммина спортисти и тоа: Дејан Георгиевски (Таеквондо), Магомедгаджи Нуров (Борење слободен стил), Јован Стојоски (Атлетика, 400 метри), Пулексенија Јованоска (Карате), Борјан Бранковски (Спортско стрелаштво – воздушен пиштол 10 м), Арбреша Реџепи (Џудо), Миа Блажевска – Еминова (пливање) и Филип Деркоски (пливање).
A message to carry with us throughout #Tokyo2020 🙌
The new Olympic motto: Faster, Higher, Stronger – Together. #OpeningCeremony #StrongerTogether pic.twitter.com/BZuFqvqrUD
— Olympics (@Olympics) July 23, 2021
Се одржа и минута молк за сите оние кои страдаа за време на пандемијата. Но, останува надежта дека следните Игри ќе се одржат во нормални услови. А дотогаш, ни останува да го извлечеме максимумот и да уживаме во овие необични Олимписки игри, за првпат одржани во едни вакви услови.