Sony ја најави 2020 како година кога ќе се појави најновата веризија на PlayStation 5. Придружувана со џојстици со висока технологија кои ќе можат да имитираат сензации, ветува неверојатно гејминг искуство.
Во април годинава од страна на главниот дизајнер на PS 5 Марк Серни, беше објавено дека можеме да го очекуваме најново издание на PlayStation. Сега, на официјалната страна осамна и соопштение според кое, петката ќе пристигне во продавниците за време на празничната сезона 2020.
Уште поинтересен податок е дека јапонскиот електронски гигант го зајакнува најновиот PlayStation со џојстици со високата технологија дизајнирани да го направат играчкото искуство уште поневеројатно. Џојстиците имаат технологија која имитира сензации како кршење на стакло или удар со автомобил. Освен нив, PS5 е зајакнато и со вградени звучници и USB-C влез.
Наредната година ова време, очекувајте го во продажба.
