Сега е право време да започнете да го подготвувате вашето тело за да го издржи вашето скијачко уживање. Силната мускулатура и физичката кондиција ќе ви бидат најдобри пријатели доколку сте фанови на овој спорт. Добрата физичка кондиција ќе ве заштити од повреди, ќе ја подобри издржливоста на теренот и ќе ви помогне го избегнете воспалението на мускулите што го напаѓа секој скијач после првиот ден на скии.

За да скијате како професионалец, неопходно е да ги зацврстите нозете, средишниот дел на телото и долниот дел на грбот.

Вежби за нозе:

Клекнувања
Клекнувањата ќе го зајакнат квадрицепсот и глутеусот. Треба да изведете 3 серии по 12-15 повторувања (со тежина со која може да ги направите).

скиПредно клекнување
Предно клекнување е една од водечките вежби за овој спорт. Препорачувам да се изведуваат малку повторувања(8) со поголемо оптеретување.

Клекнувања во скок
Оваа вежба ќе ја подобри кондицијата и издржливоста на мускулите. Изработете 3 серии по 15-20 скокови со нога

Широко клекнување
Со оваа вежба ќе ги активирате и мускулите на внатрешните дел на нозете. Изведете 3 серии по 15 повторувања

Исчекор во движење
Препорачувам 3 серии по 10-15 повтрувања со секоја нога, прилагодете ја тежината според вашите можности

Исчекор во скок
Ќе ја подобрите кондицијата и издржливоста на нозете со оваа вежба. Скокајте 30 секунди или 10-15 пати со двете нозе

Подигнување на колкови
Оваа вежба го зајкнува задникот и многу ќе ви биде од корист во текот на скијањето. Може да ја изведувате и со една нога исправена, прво на една нога па на друга, или со двете нозе на под. Изработете 3 серии по 15 повторувања

Вежби за средишниот дел на телото

Пленк
За оваа вежба да ја изработите 30-45 секунди, потребно е подолг временски период да ја вежбате континуирано и да се обидувате секој следен тренинг да направите 5 секунди подолго од претходниот

скиСтраничен пленк
Изработете по 20-30 секунди на секоја страна

Russian twist
За оваа вежба земете си топка од 2-3 кг и изработете 30-40 повторувања

Вежби за долниот дел на грбот

Хиперекстензија
Ова е основна вежба за зацврстување на долниот дел на грбот и горниот дел на задникот 3 серии по 15 повторувања

Наизменично подигнување лева рака десна нога и обратно
Оваа вежба ќе даде еластичност, флексибилност и цврстина на мускулите покрај ‘рбетниот столб. Направете 3 серии по 15 потворувања со секоја страна.

Имајте убава скијачка сезона!