За да имате флексибилност потребно е да ги тренирате вашите мускули и тоа не е само за да правите некакви акробации или да покажете дека сте во добра форма. Да се има добра флексибилност ви овозможува да тренирате подобро, да го намалите ризикот од повреди и дури да ве направи подобри во сексот (за оние поакробатски позиции).

Кога немате флексибилност, вашето тело се чувствува круто и вкочането, почнува да има чудни болки и станува навистина тешко да се завршат повеќето обични работи. Вежбањето на флексибилноста и истегнувањето можеби не се најинтересниот дел од тренингот, но се есенцијални за да можете да ги правите работите како што треба, да се рекуперирате и да ја добиете сета мускулатура која ја посакувате, тоа е најдобриот начин да направите вашите вежбања да бидат ефикасни и сигурни.

Како што старееме, нашите мускули стануваат пократки и помалку еластични, па затоа е важно да преземеме акција да го избегнеме и спречиме тоа и да се осигураме дека мускулите ќе ни останат еластични и ќе продолжат да функционираат.

Истегнувањето може да се чини малку чудно, сепак покрај се вие ги движите вашите мускули на начинот на кој не се навикнати, но секој експерт може да ви каже дека ова е чекор кој не можете да си дозволите да го прескокнете. Многу е очигледно, на пример, по истегнувањето на колковите и нозете дека можете да направите подлабоки „чучњеви“, што значи дека работите подобро и поефикасно.

Најдобриот дел е тоа што подобрувањето на вашата флексибилност не е премногу тежок процес, неколку основни вежби се доволни за да почнете да ја приметувате разликата кога станува збор за тензијата на вашите мускули и мобилноста.

Ова се неколку основни вежби:

Стоечко истегнување на задните бедрени мускули
(ги истегнува вратот, грбот, задникот и нозете)

– Застанете со вашите нозе раширени до нивото на колковите, вашите колена благо накривени и вашите раце на страна. Издишете како што се навалувате нанапред, спуштајќи ја главата кон подот. Со вашите раце опфатете го задниот дел на вашите нозе и држете 45 секунди до две минути. Свиткајте ги колената кога ќе завршите.

Истегнување на трицепс
(ги истегнува вратот, рамената, грбот и трицепсите)

Клекнете, седнете или застанете со нозете раздвоени до нивото на колковите и вашите раце исправете ги над главата. Свиткајте го десниот лакт и испружете ја десната рака да го допрете горниот централен дел од вашиот грб. Доближете ја вашата лева рака и потиснете веднаш под десниот лакт. Повлечете го десниот лакт надолу полека и кон вашата глава. Сменете ги рацете и повторете.

Figure 4 истегнување
(ги истегнува колковите, задникот, долниот дел од грбот и нозете)

Легнете на грбот со вашите нозе испружени на подот и вашите колена свиткани. Прекрстете го вашето лево стапало преку вашето десно колено. Подигнете ја вашата десна нога од подот. Фатете го задниот дел од вашата десна нога и полека влечете кон вашите гради додека не почувствувате истегнување. Држете од 30 секунди до 2 минути, сменете ги страните и повторете.

Лежечко истегнување на гради
(ги истегнува градите и рамената)

Легнете на вашиот стомак со вашите раце раширени кон страните со што вашето тело ќе добие форма на буквата Т. Оттурнете се од подот со вашата лева рака и свиткајте го вашето лево колено за да одржувате баланс кога ќе почнете да се превртувате кон десно. Како што мобилноста ќе расте, вие ќе можете да се истегнувате повеќе и да го виткате вашето тело повеќе. Повторете од другата страна.

 

флексибилност