Компанијата Nintendo ја презентираше видео играта која ве тера да бидете физички активни. Вашиот нов партнер за вежбање се вика Ring Fit Adventure.

Ring Fit Adventure

Ring Fit Adventure e креација на Nintendo па разбирливо, се игра на Nintendo Switch. Станува збор за игра која доаѓа со специјален џојстик во форма на круг (прстен), со чија помош ќе можете да ја играте Ring Fit Adventure. Она што е интересно, фактот дека играта бара од вас да правите одредени вежби, сè со цел да преминете различни нивоа. Вие го контролирате јунакот кој има различни моќи, но за тоа треба да го мрднете задникот од фотелјата и да направите неколку вежби. 

Со помош на оваа игра, играчите ќе можат да го тренираат целото тело, да ја одржуваат својата кондиција, па дури и да ослабат некој килограм. Од Nintendo изјавуваат дека иднината на гејмингот ја гледаат во салите за вежбање и дека секоја сала за вежбање во иднина би требало да има гејминг отсек, каде би можеле да играте и да слабеете. Звучи забавно, зар не?