Италијанскиот дизајнерски гигант Pininfarina за прв пат ќе заплива во поинакви води. На овогодинешното изложбено шоу за јахти 2019 Monaco Yacht Show, кое се одржува од 25 до 28 септември, Pininfarina Nautical Division ќе дебитира на пристаништето Hercules со своите најнови наутички ѕвезди: Wally 101 и Princess Y95.
Динамичните линии карактеристични за дизaјнот на Pininfarina даваат спортски, а сепак елегантен изглед додека истовремено гарантираат првокласно наутичко искуство. Соработката меѓу Pininfarina и компанијата за производство на јахти Wally, резултира со високи перформанси, удобност и уникатен стил.
Дизајнот на екстериерот на новата Princess Y95 е дизајниран од страна на Pininfarina во соработка со Olesinski во обид да се добие по динамичен и спортски изглед. Холистичкиот пристап на Pininfarina е забележан во самиот систем на функционирање, но и внатрешниот и надворешниот дизајн на оваа наутичка убавина.
Pininfarina уште од 80-те години на минатиот век е задолжена за дизајнот на ентериерите и екстериерите на некои од најексклузивните јахти на Beneteau, Fincantieri, Princess Yachts, Rossinavi и Wally.
Денес, станува збор за една од најкреативните водечки компании во дизајнот на наутиката, реализирајќи проекти за беспрекорни и уникатните решенија кои го одземаат здивот.
