Мексиканскиот гигант наменет за љубителите на текилата Patron го претстави пред јавноста најстариот еликсир од агава досега. Текилата го носи името Extra Añejo 10 Años, а нејзината цел е да се натпреварува со висок ранг луксузни алкохолни пијалаци.
За познавачите на шпанскиот јазик ќе биде јасно дека пијалакот е обработуван 10 години. Чуван во француски дабови буриња, во себе содржи 40% алкохол.
Процесот на обработка долг цела декада не доаѓа без данок. Поради променливата клима во Мексико, на хациендата Patron правени се тестирања на секои 6 месеци. Како резултат на тоа, околу 60% од првичната количина испарила или била апсорбирана во текот на изминатите 10 години.
Од друга страна, високите температура ја зголемиле комплексноста на вкусовите, па од компанијата велат дека иако е стара само 10 години, има профил на вкусови сличен на многу старо виски.
Цената за овој луксуз е 349 долари за 750 милилитри, достапна исклучиво за одредена клиентела.
