Ја занемаруваме фасцијата, влакнестотот ткиво кое ги држи нашите мускули. Во поново време, се покажа дека игра клучна улога во тоа како се движи вашето тело и зошто повремено боли. Колку побрзо научите да се грижите за ова често занемарено ткиво, толку побрзо ќе се справите со болката и ќе откриете нови перформанси.
Фасцијата слично како кардиоваскуларниот систем, како мрежа ја имате низ целото тело. Ако ја стимулирате фасција, можете да спречите многу повреди и да ги наполните мускулите со дополнителна моќ.
Фасцијата не се појавува на традиционалните начини за проучување на меките ткива, но неодамнешните достигнувања во технологијата за ултразвучно снимање им овозможија на истражувачите да ја проучуваат фасцијата и како таа може да придонесе за подобри атлетски перформанси и движење на луѓето. На овој начин е откриено дека овој систем првенствено направена од колаген и течност, опкружува сè во нашето тело: мускули, коски, крвни садови и така натаму.
Оваа мрежа има повеќе функции: ги придржува органите и обликува, помага во движењето, може да се затегне за да ви обезбеди стабилност во непријатни позиции, и може да дејствува како пружина, да собере енергија при скок и да ви помогне да се испрабите. Ова ткиво е програмирано да дејствува брзо. Ако не се движите често, мрежата ви ги зацврстува мускулите, што на крајот може да предизвика вкочанетост и нерамнотежа во движењето. Соодветен тренинг што ја стимулира фасцијата може да ја олесни фасцијалната вкочанетост. Потезите со кои ќе ја стимулирате фасцијата не се нови, туку веќе добро познати потези. Еве неколку потези кои ќе ви помогнат во стимулирање на фасцијата.
Shovel Squat: застанете со тег на градите. Направете чучањ во расчекор а потоа спуштете го тегот. Исправете се на страна така што ќе ја завртите левата нога према внатре, со подаден лев кол и ќе замавнете на десната страна со тегот преку рамото, слично на чистење на снег со лопата. Повторете и на другата страна во три сета по 4-5 повторувања.
Исчекор наназад: застанете право држејќи еднорачен тег вертикално со една рака. Направете чекор наназад со левата нога и замавнете со тегот од десната страна, дијагонално надолу кон левиот колк, нешто слично како замавнување со меч или секира притоа правејќи исчекор наназад. Направете 3 сета од 6 до 8 повторувања.
Склекови: наместете се во позиција за правење склекови, со рацете поставени малку пошироко од рамената, а потоа спуштете ги градите на еден сантиметар од подот.Подигнете импулсивно нагоре, а надолу спуштајте се поспоро. Направете 3 сета од 10 повторувања.
Скокање на јаже: фокусирајте се на помали скокови и застанувајте на прсти, наместо да скокате високо. Направете три сета од 30 секунди.
