Во овој период сите си поставуваме одредени цели кои сакаме да ги постигнеме. Сигурен сум дека на таа листа се губењето на по некој килограм или пак градењето на фитнес тело. За полесно да ја остварите својата фитнес цел, еве неколку совети, најчести фитнес грешки кои се прават и како да ги избегнете истите.

фитнес грешкиНе се одмарате доволно

Ако мислите дека вежбањето секој ден по 2-3 часа ќе ве донесе до посакуваната тежина или ќе ве направи фит, грешите. На телото му е потребен одмор и време за да се опорави од тренинзите.

Напорните тренинзи, без ден за одмор ќе ве направат поосетливи и ќе доведат до повреда која ќе ви го наруши распоредот на тренинзи и ќе го одложи остварувањето на вашата фитнес цел.

фитнес грешкиНе му давате „гориво“ на телото пред и после тренинг

Небитно дали пред или после вежбање, треба да се обнови енергијата на телото. Што значи тоа? Тоа значи дека ви е потребена добра ужина пред или после тренинг. Пред тренинг храната ќе ви обезбеди доволно енергија за да издржите добар тренинг, а после вежбање храната игра огромна улога во опоравувањето на мускулите.

фитнес грешкиНе ги истегнувате мускулите редовно

Одвојте малку време пред и после секој тренинг за истегнување на мускулите. Истегнувањето е задолжително и после секој тежински и кардио тренинг. Сигурен сум дека секој од вас некогаш почувствувал воспалување или болка во мускулите ден после тренингот. Со истегнувањето се намалува можноста за воспаление, се зголемува флексибилноста на телото и се заштитува од повреди.

Не спиете доволно

Ако мислите само редовното вежбање и здравата исхрана се доволни за постигнување на вашата фитнес цел се лажете. Многу студии покажле дека недостатокот на добар и квалитетен сон доведува и до енормно зголемување на телесната тежина. Додека спиете телото се опоравува од напорниот тренинг, ја обновува енергијата и ги гради мускулите што ги вежбавте на тренинг.

Кога имаме добар и квалитетен сон телото лачи хормон за раст кој кај возрасните помага во градењето на чиста мускулна маса и помага во опоравувањето на мускулите од напорниот тренинг. Кај возрасните се препорачува по 7-8 часа сон во текот на ноќта.

Поставувајте си цел на пократок рок

Што значи ова? Доколку вашата цел е да изгубите 10 kg. тогаш дадете си рок од два месеци за да ослабнете 3 kg. Следниот рок нека биде пак за два месеци уште 3 kg. и се така додека не стигнете до крајната цел. Добро е да се поставуваат цели, но треба да бидат и реални. Не треба да вежбате само додека ја оствaрите вашата цел, фитнесот треба да ви стане животен стил, првенствено за здравје па потоа заради изглед.

фитнес грешкиКако и зошто треба да правите склекови

Во ова време кога се измислуваат нови вежби и трендови во вежбањето, некако се подзабораваат некои основни вежби и нивно правилно изведување. Јас ви препорачувам никако да не ги заборавите склековите и нивната огромна важност во градењето идеален горен дел на телото.

Можеби си мислите дека оваа вежба со сопствена тежина не обезбедува доволно отпор за да стимулира раст и развој на градите, трицепсот и рамената. Точно е дека не можете да го замените подигнувањето на 150 kg. на бенч клупа со склекови, но тоа не значи дека изработувањето на склекови е губење на време.

Кога вашата цел е зголемување на мускулната маса, клучно е да запаметите дека поважно од подигнатата тежина е нивото на напор што го искусиле вашите мускули. Поедноставно кажано, градењето мускулна маса во најголем дел е производ на истоштувањето и воспалувањето на мускулите било од што и да е тоа предизвикано. Затоа системите за зголемување на мускулна маса како „German volume“ тренингот кој подразбира 10 серии по 10 повторувања даваат толку добри резултати.

Но зошто е подобро да изработувате 10 серии по 10 повторувања склекови отколку исто толку на бенч? Одговорот лежи во она што се случува на задниот дел на телото. Кај вежбите на бенч клупа (било да е рамна, коса или контра коса) телото е прицврстено на клупата и се изолира само работата на градите.

Она што е слабост на овие вежби наспроти склековите е дека кај вежбите на бенч плешките се движат кон ‘рбетниот столб при вежбањето но не се вежбаат мускулите од тој дел како што се вежбаат кога изработувате склекови. Исто така склековите се најдобри активатори на меѓуреберените мускули.

Нетреба да се срамите ако неможете да изработите ни еден склек. Тоа е затоа што не сте ги правеле.

Колку длабоко треба да го пропаднете телото за да изработите правилен склек? Колку длабоко ќе го спуштите телото зависи од тоа колку ви е здрав раменскиот појас. Различни луѓе имаат различна анатомија на рамото. Треба да се спуштите до ниво во кое не чувствувате болка или дискомфорт. Доколку имате здрави рамена треба да се спуштете до подот.

Колку склекови треба да изработувате?

Во зависност од тоа кој колку може, добро е да стигнете до 3-4 серии од по 15-20 повторувања. Тоа не се постигнува преку ноќ, но со редовно изработување на оваа вежба резултатите се неизбежни.

Кога да ги вметнете склековите во програмот за вежбање?

Склековите може да ги комбинирате и во денови кога вежбате програма за цело тело и кога ви е ден за гради. Во денови кога го вежбате цело тело ви препорачувам склековите да ви бидат втора вежба во суперсетовите. А кога вежбате гради, склековите може да ги правите на почеток на тренинг за загревање на мускулите или на крај на тренингот.

Доколку изработите голем број на повторувања на крајот на тренингот ќе постигнете масивно пумпање и забрзување на метаболизмот па телото ќе продолжи да троши калории и после тренингот.