Во инспирациско кратко видео, NASA јавно ги најави своите намери за градење на перманентна заедница на Месечината преку своите Artemis мисии, со цел да креира лунарна економија и да инспирира нова генерација на пионери.
Наратор во краткото видео е актерката Дру Баримор, а во истото се објаснуваат и причините за оваа возбудлива иницијатива и новите можности кои ќе ги отвори. Вселенското истражување е и продолжува да води кон технологии и способности кои го обликуваат нашиот начин на живот. Во видеото, членовите на NASA тимот ја опишуваат Месечината како „богатство за науката која содржи откритија за нашата планета и Сонцето.
„Десетици илјади работи поврзани со патување на Месечината денес се само почеток на лунарната економија која ќе донесе стотици илјади нови работи развиени ширум светот“, вели NASA администраторот. Истражувањата на Месечината исто така се и почетна фаза за Марс и останатите светови, како што луѓето ќе учат да живеат надвор од нашата планета и да креираат заедници на останати „вселенски брегови“ во околини со делумна или без гравитација.
Човештвото се враќа на Месечината
Artemis мисиите произлегуваат од повеќе од 50 години истражувања, а стабилното присуство на Месечината е природно продолжение на сето она што го научивме во ниската орбита на Земјата. Конкретните цели вклучуваат развој на базен камп Artemis, склопување на сложени бродови во длабоката вселена и воспоставување на системи кои се самоодржливи и повторно користење, како што се механизми за прочистување на мразот на Марс во вода за пиење и понатамошно рафинирање на сето тоа во водород за гориво и кислород за дишење. На ова патување, NASA има за цел да донесе комерцијални и меѓународни партнери, воспоставувајќи просперитетен меѓупланетарен синџир за снабдување.
„Додека NASA се подготвува за лансирање на ракетата Orion, вселенско летало и систем за лансирање на Artemis I мисијата без екипаж околу Месечината, ние веќе почнавме да го правиме следниот чекор. Да ги слетаме следниот маж и првата жена на Месечината до 2024 година и да воспоставиме одржливи мисии до 2028 година“, стои во објаснувањето на NASA во соопштението.
