Кога размислуваме за намалување на крвниот притисок прво што ни паѓа на ум е намалување на конзумирање сол и преработена храна. Ова до некаде е точно, но здравата и избалансирана исхрана е клучниот момент. Подтојат и диети во светот кои ќе ви помогнат во постигнување на ова, но исто така постојат и намирници кои доколку ги конзумирате ќе си помогнете.
Банани: богати со калиум, но и богати со растителни влакна. Одличен за смутија и други задоволства, бидејќи дава природна сладост на рецептите без шеќер.
Шумско овошје: особено боровинките, се преполни со азотен оксид, кој помага во зголемување на протокот на крв, со што се намалува крвниот притисок. Студија од март 2015 година на Академијата за исхрана и диететика покажала дека дури и внес на 30 грама боровинки на ден може да помогне значително во намалување на крвниот притисок.
Листест зеленчук: спанаќ, блитва, рукола, марула, кељ одличен извор на калиум, макроминерал кој го чува нашето срце. Немора секогаш да го јадеме во салата, може да се комбинира во омлет, смути, сендвичи.
Цвекло: слично на боровинките, содржи азотен оксид кој помага во намалување на крвниот притисок. Истражувањата покажале дека пиењето сок од цвекло може да ви помогне да го намалите систолниот крвен притисок за четири до пет mmHg.
Лук: алицинот во лукот помага во намалување на крвниот прититсок. Тоа е она соединение кое се ослободува кога се крши или сецка лукот. Но тука станува збор за природниот не додатоците од лук, бидејќи за нивната ефикасност постојат ограничени истражувања.
Сладок компир: богат со калиум и магнезиум кои се суштински за диета за намалување на крвниот притисок. Слаткиот компир е исто така богат со растителни влакна, што го прави добар и за вашето срце.
Овесна каша: житарките се богати со растителни влакна, особено овесот кој е поврзан со намалување на ризикот од кардиоваскуларни болести. Истражувањата покажале дека само три порции житарки на ден можат да го намалат ризикот од срцеви заболувања за 15 проценти. На пример овесната каша за појадок, интегрален леб за ручек и киноа, јачмен или кафеав ориз за вечера.
Киноа: суперзрно, кое со само половина чаша конзумирана ќе покрие 15 проценти од дневната потреба на магнезиум. Плус, богато е со растителни протеини и растителни влакна кои помагаат при запек, стабилизирање на нивото на шеќер во крвта и одлично се справува со гладот.
