Marshall Uxbridge Voice е смарт звучник кој е комбинација на легендарниот звук на компанијата и корисноста на дигиталните асистенти како Amazon Alexa , Airplay 2 и Spotify Connect. Со димензии 13 cm x 17 cm x 12 cm и тежина од околу еден килограм Uxbridge Voice користи далекосежен микрофон кој препознава глас со цел синхронизација со Amazon Alexa преку Bluetooth, Airplay 2 и Spotify Connect.
Корисниците покрај слушањето на музика, овој уред можат да го користат и за временска прогноза и да прават нарачка на производи од Amazon со едноставна гласовна команда. Овој класичен дизајн со копчиња од месинг, цврста црна рамка е препознатлив за Marshall. Со цена од 199 американски долари овој производ ќе биде достапен преку веб страната на брендот од 8-ми Април. Подршката на Google Assistant ќе биде вклучена на 11-ти Јуни оваа година.
