За подобрување на физичките перформански професионалците многу често се осврнуваат на кофеинот. Всушност овој стимулатор на атлетските перформанси е многу долго време проучуван. Дури во 2004 година Светската агенција за борба против допинг го наведува кафето како забранета супстанца, за дури во 2017 се постави ограничување во нивото на кофеин кој спортистите можат да го имаат во нивниот организам.

Еден од причините за кои професионалците користат кофеин е зголемување на издржливоста. Всушност според едно истражување се докажало дека спортистите кои консумираат кофеин пред трчање, можеле да истрчаат повеќе километри без да се заморат во споредба со тие кои земале плацебо. Дури и перцепцијата за напор на спортистот се менува па така тие издржуваат подолго време извршувајќи некоја активност.

Според истражувачите ова доаѓа од фактот дека кофеинот го блокира Adenosine A1 рецепторот које е познат како промотор на спиењето, што помага во контрола на чувството на поспаност и замор.

Кофеинот исто така ги зголемува и анаеробните перформанси, односно кофеинот може да му овозможи на спортистот да крева поголема тежина или да трча побрзо бидејќи тој влијае директно на тоа како мускулните влакна се контрахираат на клеточно ниво. Па така колку е посилна контракцијата, толку поголема тежина можете да кренете или побрзо да трчате.

Друга причина е што кофеинот привремено го покачува нивото на тестостерон со што се зголемува силата или перформансите при трчање. Меѓутоа за активирање на ваквите перформанси не е доволно едно еспресо, туку истражувањата покажале дека за атлетски буст потребни се 6 милиграми на килограм телесна тежина кофеин или тоа би значело дека доколку тежите 90 килограми потребни ви се 540 милиграми кофеин. Па чисто за споредба една лименка Red Bull има 80 милиграми кофеин, еден филџан силно кафе има 140 милиграми.

Од друга страна пак конзумирањето на големи количини на кофеин можат да доведат до гастроинтестинални проблеми или проблеми со спиењето. Затоа ќе мора да експериментирате која количина е доволна за вас, иако некои истражувачи мислат дека зголемувањето на перформансите доаѓа поради плацебо ефектот.

Конзумирањето на кофеин е најдобро да се прави еден час пред тренинг (сепак зависи дали на празен или полн стомак и во зависност од вашата физиологија), но имајте во предвид дека дури и по 5-6 часа половина од кофеинот кој сте го внеле ќе остане во вашиот систем до негово целосно исфрлање.

Не заборавајте дека кофеинот е лек спрема кој можете да развиете толеранција. Поради тоа битно е даконзумирате прогресивно зголемување на количините (почнете со помали дози, да речеме 200 милиграми и постепено зголемувајте но не ја надминувајте границата). Од истата оваа причина потребно е и циклично конзумирање (по извесен период на конзумирање, треба да направите пауза).

Покрај тоа што треба да внимавате да не развиете толеранција потребно е да внимавате и на зависноста. Од таа причина битно е да направите распоред на конзумирање и секако кофеинот да го конзумирате само доколку тој ви е потребен (интензивна физичка активност).

Реакцијата и толеранцијата на телото кон кофеинот е многу индивидуална работа, така што битно е дозите и времето на конзумирање да го прилагодите на себе притоа внимавајќи на ризиците.