Со голема брада, доаѓа голема одговорност. А тука се и низата проблеми кои се појавуваат кај луѓето кои имаат брада. Решавањето на истите е од големо значење како би се одржале кожата и влакната на лицето здрави.
Иритација од маска
Периодов, со задолжителната употреба на маска доаѓа иритација на кожата / брадата особено поради ткаенините од синтетички материјал. Материјалот од маската се трие од вашата брада или кожа, што доведува до потење, со што маслата и бактериите што се акумулираат под маската предизвикуваат воспаленија. За борба против овој вид на иритација најдобро би било користење на маски направени од природни материјали како на пример памук. Ако имате голема брада секогаш имајте на ум дека треба да користите масло за брада или серум.
Акни
Во зависност од климата, потта, природните масла кои ги излачува кожата и нечистотиите кои се таложат во текот на денот може да се појават акни. За да го решите овој проблем потребно е развивање на хигиенски навики кои вклучуваат темелно чистење на вашата брада два пати на ден со миење на истата. Ова нежно ќе ја отстрани целата несакана нечистотија и вишокот масти од вашата кожа. Исто така, редовно навлажнувајте ја кожата под брадата, бидејќи сувоста на кожата често предизвикува запушени пори и акни, а тука е и пилингот кој помага во одржување на здравјето на кожата.
Чешање
Ова е чест проблем, почест кај мажите кои имаат виткана брада. Може да биде предизвикана и поради сува кожа или мрсна кожа. Најдобриот начин да се справите со ова е да користите добар гел од алое вера, кој хидрира и смирува, и кој треба да се остави преку ноќ за да се добијат најдобри резултати. Наизменично добро масло за брада или мелем за брада може да се користи.
Folliculitis Barbae
Како еден од најчестите проблеми кои погодува голем број од мажите кои имаат брада е бактериска инфекција. Тоа е бактерија која природно се наоѓа во носот и ноктите, но кога ќе се прошири на брадата предизвикува болни акни. Фоликулитисот често е предизвикан кога луѓето не го стерилизираат бричот со топла вода пред употреба. Одредени производи или бои исто може да го иритираат фоликулот на косата и да го предизвикаат ова. Ако страдате од оваа инфекција, тогаш треба да престанете да ги користите сите производи за брада како масло, гел или серум. Темелното чистење и бричење во насока на раст на косата се двата најважни чекори што треба да се следат, заедно со користење на анти-бактериски крем а во зависност од состојбата и антибиотици препорачани од дерматолог.
Губење на косата на брада
Ова се случува најчесто поради автоимуна состојба. Најчесто ова се манифестира со тркалезни без коса области на брадата. Додека експертите сугерираат дека е тешко да се предвиди и третира оваа состојба, слично на опаѓање на косата на скалпот, постојат неколку чекори што може да се направат за да се бориме против неа, под строг надзор на специјалист. Дериватите на катран од јаглен и интралезиските инјекции на стероиди се корисен третман но сето тоа мора да биде препишано и направено под надзор на специјалист.
