Аукциската куќа RM Sotheby продава еден од четирите примероци на Jaguar C-X75 кој негативецот Mr.Hinx го возеше во Бондовиот Spectre.
Големите фанови на франшизата за Џејмс Бонд ќе го препознаат Jaguar C-X75. Тоа е возилото кое Mr.Hinx (актерот Дејв Баутиста) го возеше во филмот Spectre од 2015 година. Бркотницата по улиците на Рим во филмот се случуваше помеѓу овој Jaguar и Aston Martin DB10, возилото на Бонд.
Надвор од универзумот на Бонд, C-X75 е многу ретко возило. Своето деби го имаше во 2010 година, а само 5 примероци беа произведени пред да се затвори програмата во 2012. Но, за 24-то издание на Бонд, кое се случи во 2015, продуцентите побараат од Формула 1 тимот Williams Advanced Engineering да создадат 4 Jaguar C-X75-ки.
Се очекува овој Jaguar да достигне цена помеѓу 800.000 и 1.2 милиони долари на аукцијата во Абу Даби. Минатата година, проценката за Aston Martin DB5 од Goldeneye изнесуваше 2 милиони долари, а се продаде за 2.6, па не е чудно ако и Јагуарот изненади.
