Луиџи Колани, индустрискиот дизајнер и дизајнерски филозоф, почина во Карлсруе, Германија на 91 годишна возраст. Неговата кариера се простираше ширум 6 децении и вклучуваше работа во некои од највлијателните компании во светот како Fiat, Ford, BMW, Alfa Romeo, Lada, Lamborghini, Mercedes Benz, Canon, Yamaha.
Неговиот контроверзен стил, работните навики и темпераментната личност го правеа вистински предизвик за работа, а неговите дизајни зборуваа за неговата лична пасија.
Заљубувајќи се во линиите на багажникот на Mercedes SS, уште на три години, почнал да покажува интерес кон дизајнот. Се школувал во Берлин и во Париз по војната, почнал да работи во автомобилската индустрија.
Во 60-те го проширил интересот кон мебелот и домакинството, а во 70-те го создал своето студио во кое соработувал со клиентела од Европа. Во 80-те години соработувал и со Canon во Јапонија па од таа соработка има погато портфолио на префинети фотоапарати и останати елементи.
Колани го нарекуваше својот пристап кон дизајнот биодинамичен, а себеси 3Д филозоф, најгласувајќи дека во неговите дизајни се симбиоза на висока технологија и уметност.
