Телевизиската куќа HBO објави снимање на серијал од 10 епизоди под името House of the Dragon, приказна која претходи на Game of Thrones.
Токму кога помисливме дека е завршена бајката за змејовите, волците, лавовите и железниот трон, HBO потврдуваат дека продолжение на Game of Thrones сепак ќе има. Станува збор за претходник на серијата. Ќе содржи 10 епизоди и ќе го носи името House of the Dragon. Дејството ќе започнува 300 години пред времето во кое заврши култната серија, а во фокусот ќе биде семејството Таргеријан и секако, нивните змејови.
Емилија Кларк секако нема да се врати на малите екрани во улогата на Калиси, но ќе имаме прилика да ја погледнеме сторијата за нејзиното семејство.
Според претходни најавувања,HBO зборуваше за серијата Blood Moon, каде главната улога требаше да ја толкува Наоми Вотс, а дејството да е сместено 1000 години пред ерата на Game of Thrones. Тоа падна во вода.
Промо најавата за серијата се очекува дури кон крајот на 2020.
