Во текот на вчерашниот ден, тимот на Авто Плус ни го покажа расположението на Саемот за автомобили во Франкфурт како и најновите идеи, концепти и решенија во сферата на автомобилизмот.
Hyundai со i10 и Concept 45
Hyundai на саемот во Франкфурт се пофали со новата генерација на моделот i10. Покрај оваа премиерата, брендот даде голем акцент на спортската модификација i10 N Line. Покрај овој новитет, беше претставен и Hyundai Concept 45. Овој концепт е инспирација од Pony Coupe Concept кој се појави во далечната 1974 година.
Долгоочекуваниот Defender на Land Rover
Неговото претставување беше најавувано од 2011 година, а дури сега Land Rover Defender го здогледа светлото на денот. Следната генерација на иконскиот британски теренец претставува значително подобрување од неговиот претходник во однос на технологијата, бидејќи со него ги има сите новитети на ова поле.
Škoda со верзии на актуелните модели
Тргнувајќи од електричните Superb iV и Citigo-e iV, потоа Monte Carlo верзиите на Scala и Kamiq како и топ модификацијата на Superb Scout. Како и многуте други брендови, така и Škoda се пофали со своите електрични модели.
Направете место за Lamborghini Sián
Произведен во серија од 63 единици кои се веќе продадени, Lamborghini Sián е најбрзиот Lamborghini модел досега. Фантастичниот футуристички екстериер привлекува подеднакво како и моќноста.
Нова ера и за Porsche
Легендарната компанија која секогаш успеа да воодушеви, вчеравечер, покрај презентацијата која ја имаше за медиумите, и официјално го промовираше првиот досега целосно електричен модел кој го носи името Taycan.
Повеќе детали можете да прочитате на www.avtoplus.mk и да го следите тимот на Авто Плус со новитети во живо од Франкфурт на Facebook и Instagram.
