На 21 и 22 септември во пивницата Стар град, во организација на Дирекцијата за култура и уметност, по 22-ри пат се одржа фестивалот „Blues&Soul“. Љубителите на стариот добар блуз имаа можност две вечери да уживаат на настапите на гостите од Србија – The Gamblers и од Данска – ChrisGrey&TheBluespand.
The Gamblers e легендарен српски блуз бенд од Сремска Митровица кој гази на регионалната блуз сцена уште од 1984 година. Во ритамот на блузот и соулот, со модерни итерпретации на раниот традиционален блуз и рокенрол музиката имаат настапувано на многу престижни музички фестивали низ Европа и регионот, рамо до рамо со имиња како легендарните Џини Волтер, Лоренс Џоунс и Иан Сигал.
ChrisGrey&TheBluespand и нивниот груви-фанки блуз во последниве две години се еден од најпопуларните и најуспешни блуз состави кои ги освоија блуз-фановите низ Европа и ширум светот. Нивните настапи во живо на социјалните мрежи имаат милиони прегледи, особено видеото „Grab’em by the Elbow“.
Фузијата на блуз, соул и фанк, кулминира на нивниот албум „Lotta love“, кој се врти на најрелевантните радио станици низ САД, Европа, Канада и Австралија. Со повеќе настапи низ Европа и неколку турнеи зад нив, тие веќе стануваат хајлајтери на европските блуз фестивали.
