Студиото Layer дизајнираше нов звучник за Bang & Olufsen, наречен Beosound Emerge кој испорачува аудио со високи перформанси од мал и суптилен формат. Овој звучник повеќе изгледа како предмет во домот, книга, отколку како парче технологија, а е направен од дрво, ткаенина и алуминиум. Beosound Emerge кој повеќе личи на книга, отколку на звучник, зафаќа простор од 6,7 сантиметри, а со својот суптилен дизајн не се наметнува во просторот и не доминира. Иако естетски Beosound Emerge изгледа „тивко“, сепак звукот кој доаѓа од него не е. Звучникот произведува звук од 180 степени, овозможен од распоредот на компонентите, што претставува изненадување. Новата иновација на компанијата се заменливите делови што му даваат на производот подолг век на траење. Ако технологијата за поврзување и стриминг во Emerge застари, соодветен модул може да се замени. Покрај мануелните контроли, звучникот може да се контролира и преку Google Assistant. Верзијата Gold Tone на уредот има дабова обвивка со Kvadrat текстил и бисерно елоксиран алуминиум.
