Данската компанија Bang & Olufsen дадоа придонес кон љубителите на добар звук со нивниот B&O Beosound Stage. За намената за која е создаден, но и визуелно овој саундбар е едноделно дизајнерско парче кое испорачува фантастичен звук. Beosound Stage е достапен во неколку верзии, Smoked Oak, кој доаѓа со дрвена рамка, Natural, со алуминиумска рамка и Bronze Tone edition.
Постои и ограничена серија Anthracite, дизајнирано од студиото NORM Architects, со материјали кои ја комбинираат скандинавската едноставност и најсовремена аудио технологија.
Што се однесува до спецификацијата B&O Beosound Stage има еден HDMI 2.0 влез и HDMI eARC за конекција во вашиот телевизор, со поддршка и за 4K HDR и Dolby Vision. Има и Ethernet, ако не сакате да користите Wi-Fi, но и 3,5 милиметарски мини-приклучок за друг медиа плеер.
Покрај Wi-Fi и Bluetooth 4.2, има поддршка за Apple AirPlay 2 и вграден Chromecast, но и Dolby Atmos. Звукот е несомнено феноменален со четири баса во стерео конфигурација, плус два 38 мм mid-range звучника и централен 19 мм високотонец.
