Речиси две години Huawei ги чувствува последиците од американските санкции кои го спречуваат да ги интегрира услугите на Google во своите најнови паметни телефони, почнувајќи со Google Play продавницата за апликации. Нивната алтернатива, наречена AppGallery, сега се обидува да понуди еквивалентен квалитет на услуги, но се уште мора да се избори со една голема пречка – недостатокот на најпопуларните апликации од западниот свет.

Идниот „знаменосец“ на кинескиот бренд, Huawei P50 Pro, ќе биде достапен во две верзии, едната која ќе користи Android (отворен извор, без услуги од Google) и втората која ќе користи HarmonyOS (оперативен систем на Huawei). Во двата случаи, телефоните ќе бидат без Google Play и целата плејада на апликации, игри и културен контент за симнување. Сопствениците на овие паметни телефониќе мораат да ја користат AppGallery која постојано се унапредува и стигнува до точка во која повеќе личи на својот американски конкурент, со исклучок на неколку детали.

Huawei оди во добра насока

Кога станува збор за поставката, AppGallery се разликува малку од Googl Play, со своите Aplications, Games и Redommended сектори. Неговиот пребарувач ви овозможува да ја најдете било која апликација меѓу 100-те илјади достапни за симнување, во споредба со милионите кои ги има на Google Play. Се уште има долг пат пред себе, но без дилеми Huawei се движи во добра насока.

AppGallery

И покрај разноликоста на содржината, голем број апликации кои се сметаат за есенцијални за повеќето корисници на интернет се се уште отсутни. Тоа е случајот со Facebook, WhatsApp, Instagram, Twitter, Netflix и Spotify. Ако не можете да ги симнете овие апликации, ќе најдете линкови до нивните веб верзии. И за секоја Google апликација која недостасува, Huawei нуди свои алтернативи. Како и да е, се повеќе и повеќе популарни програми се наоѓаат на AppGallery, а таков е случајот со Snapchat, TikTok, Amazon и Tinder.

Третата најголема онлајн продавница за апликации во светот зад Google Play и Apple App Store, AppGallery во моментов ја користат повеќе од 500 милиони луѓе ширум светот, од кои сите поседуваат Huawei или Honor паметен телефон.