Porsche Design и компанијата Acer започнаа нова соработка, а плод на тоа партнерство е Acer Book лаптопот со RS суфикс како еден вид оддавање почит на легендарните модели на германскиот производител.

Porsche RS моделите се препознатливи по своите перформанси на тркачките патеки и на патиштата, но исто така предизвикуваат восхит поради употребата на карбон материјалите при нивното производство. Сега, Porsche Design повторно се враќа со уште една соработка за да го покаже своето стилско мајсторство – овој пат со Acer и нивниот најнов лаптоп.

Наречен Porsche Design Acer Book RS, овој „фенси“ лаптоп го означува новото партнерство меѓу двата брендови, нешто што го фузира филозофијата и инженерскиот „мајндсет“ на функционалниот дизајн на Porsche Design заедно со технолошките иновации и богатото знаење во глобалниот компјутерски сегмент на Acer.

Високо квалитетниот лаптоп пристигнува со минималистички дизајн, но забележлива е 3К карбонската прекривка, која е контраст на шасијата која пристигнува со шара во форма на дијамант. Со користењето на овој лесен материјал кој обично се користи за тркачки автомобил, целиот Aсer Book RS Porsche Design тежи само 1,25 килограми, а е тенок само 15,99 милиметри.

Acer Porsche Design

Под оваа прекрасна обвивка, Aсer Book RS Porsche Desing е опремен со најновата 11-та генерација на Intel Core i7 процесор со Intel Iris Xe графика и опционален дискретен Nvidia GeForce MX350 GPU и 16 GB RAM. 14-инчниот Full HD IPS3 екран на допир е прекриен со слој на Antimicrobial4 Corning Gorilla стакло со 90 проценти screen-to-body размер.

Acer Porsche Design

Acer Book RS Рorsche Design ќе биде достапен по почетна цена од 1.399 долари. Премиум пакетот кој пристигнува со подеднакво одлични аксесоари како што е премиум i7 лаптопот, патнички пакет и глувче, ќе се продава по цена од 1.999 долари.