Целата ситуација ни го преврте животот наопаку. Самата помисла дека немора да станете рано и да поминете неколку часа подготвувајќи се и борејќи се со сообраќајот води кон една работа а тоа е дека треба да се одморите од спиење, односно не станувате од кревет се додека не морате. Некогаш знаете да ги изгледате сите епизоди од вашата серија па го одложувате спиењето се додека сонот не ве собори.

Со ова темпо нашето тело е збунето. Без оглед на ситуацијата, треба да се вратите на вистинскиот пат и да не дозволите да се оддалечите од „здравиот“ начин на живот, рамнотежата во животниот стил на која се придржувавте. Сте се здебелиле, сте ослабеле, имате напади на вознемиреност или сте хиперактивни… одговор на се ова е нередовното спиење.

– направете рутина, вие се познавате најдобро. Важно е секое утро да го поставите алармот во исто време. Обидете се да се држите до рамката за спиење од седум до осум часа, дури и за време на викендите.

– вежбајте рано, бидејќи физичката активност пред спиење го зголемува нивото на ендорфин и адреналин, што го отежнува опуштањето пред спиењето. Сите фитнес активности завршете ги во текот на денот или најдоцна три часа пред спиење.

– апсорбирајте колку што можете повеќе дневна светлина, изложеноста на дневна светлина во текот на денот е исто толку важно колку и земањето на суплементи. Не само што ќе добивате дневна доза на витамин Д, туку и му помагате на телото да го препознае денот и ноќта. Ова придонесува за постојан циркадијански ритам или подобро познат како „телесен часовник“.

-контролирајте ги дневните дози на кофеин. Кофеинот во кафето, како и одредени видови чај, предизвикува ослободување на адреналин истовремено блокирајќи ги ефектите од чувството на замор. Премногу кофеин никогаш не е добро.

– создадете амбиент, преуредете ја спалната соба, додадете завеси, свеќи, детали кои ќе го направат просторот да зрачи со смиреност. -ослободете се од електроника. Чувајте ги телефоните, лаптопите и таблетите подалеку од спалната соба. Набавете си часовник за да ве буди, а пред спиење читајте книга или слушајте музика која ве смирува, но не од вашиот телефон.

– престанете да грицкате пред спиење. Колку можете избегнувајте го грицкањето пред спиење. Вечерајте во точно определено време, а доколку се појави итен случај тогаш земете здрави грицки.

– идеалната температура што помага при поттикнување на спиењето е 23 степени Целзиусови. Оладете ја вашата спална соба еден час пред спиење.

– иако некои сакаат се љубители на апликации кои го следат процесот на спиење, потрудете се тоа да го правите на природен начин. Користењето апликации може потенцијално да ја зголеми вознемиреноста, предизвикувајќи повеќе штета.

-пијте мудро, бидејќи дури и најмалата количина алкохол всушност може да ви го наруши циклусот на спиење. Кога шеќерот рапидно се разложува по консумирање алкохол, ќе ви биде потешко да заспиете.